42 kg heroinë në Selanik. Kapen 4 bullgarë dhe 2 shqiptarë

Sipas policisë greke,lënda narkotike ishte importuar prej Turqisë dhe po tentohej te blihej prej dy shtetasve shqiptare, të cilët do ta dërgonin atë në kryeqytetin e vendit, Athinë.

Prej verifikimeve,rezultoi se droga ishte fshehur në portat e dy automjeteve me targa bullgare,në të cilat udhëtonin 4 shtetas bullgarë,tashmë të arrestuar.

Bullgarët morën paradhënien për sasinë e droges në Selanik, dhe pasi ta dorëzonin atë në Athinë ,do të merrnin edhe pjesën tjetër të parave, por ishte ndërhyrja e forcave të policisë, që prishi planin e tyre për të mbushur me drogë, piacën e narkotikëve të Athinës.

Dy shtetasit shqiptarë 29 dhe 49 vjeç, udhëtonin në bordin e një Audi me targa shqiptare,i cili tashmë u sekuestrua prej anti drogës greke.

Policia greke kishte informata të sigurta lidhur me transportin e heroinës, pastërtia e së cilës vlerësohet në 99.99%,dhe pasi ndoqën automjetet që në hyrjen e tyre në zonën e kufirit greko-turk në Komotini,e bllokuan atë në afërsi të aeroportit të Selanikut.
N
ë total u sekuestruan 81 pako me 42.120 gramë heroinë, 3900 lekë shqiptarë, 3 automjete që shërbenin për transportin e lëndës narkotike.

Të arrestuarit dhe materialet në ngarkim të tyre, u dërguan në gjykatë,e cila vendosi t’i lërë në burg pa afat ,ndërsa hetimet do të vazhdohen për anti drogë së Komotinisë.

Top Channel