Veliaj tregon se me sa turne do jetë mësimi të shkolla “Ali Demi” në Tiranë

Erion Veliaj tha këtë të hënë ndërsa ndodhej të shkolla se “Është planifikuar të mbarojë për 6 muaj dhe jam i sigurt se edhe inxhinierët, edhe kolegët e stafit që punon, synojnë që ta mbarojnë për semestrin e parë; pra, në semestrin e dytë t’i rikthejmë nxënësit në shkollë.

Shkolla “Ali Demi” është një nga shkollat më të mira, por edhe një nga shkollat më të vjetra të Tiranës, e cila është ndërtuar në vitet ‘70. Qartazi, ka nevojë për të vënë dorë, siç janë edhe 20 kantieret e tjera ku po punojmë në Tiranë, në çerdhe, kopshte e shkolla”.

Ai u shpreh se problematikë mbetet numri i lartë i nxënësve si pasojë e dëshirës së prindërve për t’i dërguar fëmijët e tyre në disa shkolla të caktuara, çka sjell mbipopullimin e tyre.

“Kjo është një shkollë që po rikonstruktohet plotësisht, ama nuk na e zgjidh çështjen e mësimit me dy turne në këtë lagje dhe në komunitet, për sa kohë më lart në Shkozë, Lanabregas, apo te banesat sociale, kemi 2-3 shkolla që punojnë me kapacitet të paplotësuar. Do të thotë se sfidën më të madhe e kemi me infrastrukturën kulturore”, deklaroi ai.

Top Channel