Shpërthimi i fabrikës së lëndëve plasëse/ Ndërroi jetë shqiptari 18-vjeçar dhe binjaket, bie në pranga autori i dyshuar 28/11 19:04
Nesër në orën 12:00 do të mblidhet komisioni hetimor që po heton shkeljet e pretenduara nga presidenti Ilir Meta. Top Channel ka mësuar se tashmë ky komision posedon përgjigjet e ardhura Komisioni Qendror i Zgjedhjeve, Kolegji Zgjedhor dhe Qendra e Publikime Zyrtare.
Në rendin e ditës janë parashikuar dy pika: 1-Miratimi i procesverbalit të datë 15 korrik 2019. 2- Miratimi i Planit Hetimor të Komisionit.
Në fillim të tetorit përfundon afati i komisionit për Presidentin. Mazhoranca po pret një përgjigje nga Komisioni i Venecias para se të vendosë për fatin e Presidentit nëse duhet të qëndrojë në detyrë apo ta shkarkojë per shkeljë të rëndë kushtetutese, pasi ai zhdekretoi 30 qershorin si datën e mbajtjes së zgjedhjeve lokale.
Po për këtë çështje në Tiranë më 6 shtator do të mbërrijë delegacioni i Komisionit të Venecias në një mision faktmbledhës.
Ndërkohë, sa i përket Komisionit Parlamentar mësohet se është hartuar një listë me ata të cilët do të dëshmojnë, listë e cila mbahet top-sekret. Ndërsa Presidenca nuk i ka dhënë ende përgjigje pyetjes së Top Channel nëse Presidenti do të shkojë përpara këtij komisioni në rast se i mbërrin një ftesë e tillë.
Muhamed Veliu dhe Elda Menga
Top Channel
