Telefonata në 112 nga banorët dhe reagimi në kohë i policisë vuri në pranga 24-vjeçarin për armëmbajtje pa leje dhe prishje të qetësisë publike, duke krijuar panik tek banorët dhe pushuesit. Në pranga ka rënë shtetasi K. H. 24 vjeç, banues në fshatin Theth, Shkodër.
Mbrëmjen e djeshme, në sallën operative të Policisë në numrin 112 ka mbërritur një telefonatë se në qendër të fshatit Theth, Shkodër një person po qëllonte me armë zjarri në ajër, duke krijuar panik te banorët dhe pushuesit.
Shërbimet e Policisë kanë reaguar me shpejtësi e profesionalizëm dhe falë bashkëpunimit të banorëve, bënë të mundur identifikimin, lokalizimin dhe kapjen në flagrancë të 24-vjeçarit, bashkë me armën e zjarrit kallashnikov, me një krehër me fishekë.
Materialet iu referuan Prokurorisë Shkodër për veprat penale “Mbajtja pa leje armëve luftarake dhe municionit” dhe “Prishja e qetësisë publike”.
Top Channel
