Policia tha se autori i vrasjes së Martin Canit ishte i vetëm, Top Story siguron procesverbalin! Del edhe emri i një personi tjetër! 25/11 21:44
“I përgatitur për një sfidë të re”. Fjalia e fundit e futbollisti francez Frenk Riberi’ i ka lënë rrugën shumë interpretimeve nga ana e tifozëve, nëse mesfushori ofensiv do të vazhdojë të mbetet në lojën profesioniste apo do të mbyllë karrierën.
Pasi shkoi një pjesë të historisë me Bajernin e Mynihut, anësori transalpin tani po flirton prej javësh me një ofertë të Fiorentinës, skuadra e serisë A e cila po ngulmon më shumë se të gjithë për ta patur që këtë muaj.
Filtron optimizëm që nga nisja e negociatave, madje në gjermani e cilësojnë të përfunduar, firmën e Riberi’ me ekipin e Firences. Nëse hyjmë në detaje specifike, Fiorentina i ka ofruar mesfushorit francez një kontratë dy vjecare me 4.5 milionë Euro në sezon, e për ti zhdukur cdo dyshim, ofroi dhe punësimin e fizioterapistit personal.
Por seria A nuk është opsioni i vetëm për Frenk Riberi’ edhe pse mbetet ai më intriguesi. “Njeriu me shenjë” sic e quanin shpesh tifozët kundërshtarë, ka propozime konkrete dhe nga kampionati rus, ai amerikan e madje dhe nga Arabia Saudite.
Top Channel
