Kapet me 72 kg drogë në Qafë Botë, pranga 45-vjeçarit
31/07/2019 19:51
Operacioni “fshesa”! Anglia nis mbledhjen e azilantëve për t’i çuar në Ruanda 28/04 17:07
72 kg lëndë narkotike kanabis sativa është sekuestruar nga policia kufitare në Qafë Botë teksa transportohej në drejtim të Greqisë, ndërsa në pranga ka rënë dhe një 45-vjeçar.
Nga kontrolli i ushtruar, Policia ka konstatuar se në pjesën e poshtme të mjetit me të cilin po transportohej lënda narkotike ishte krijuar dopio shasi, ku brenda së cilës ishte fshehur një sasi e konsiderueshme.
Njoftimi
Qafë Botë – Sarandë
Policia Kufitare parandalon dhe godet një rast të tentativës për trafikim të lëndëve narkotike drejt shtetit grek.
Sekuestrohen 72 kilogramë lëndë narkotike kanabis sativa, në pranga 1 shtetas.
Shërbimet e Policisë Kufitare në Qafë Botë, në zbatim të masave të shtuara për parandalimin dhe goditjen e trafikimit të lëndëve narkotike, gjatë kontrollit të automjeteve në Pikën e Kalimit Kufitar në dalje nga Republika e Shqipërisë kanë kaluar për kontroll të detajuar në vijën e dytë automjetin tip “KIA”, që drejtohej nga një shtetas 45 vjeçar nga Saranda
Nga kontrolli i ushtruar, Policia ka konstatuar se në pjesën e poshtme të mjetit ishte krijuar dopio shasi, ku brenda së cilës ishte fshehur një sasi e konsiderueshme me lënde narkotike.
Në vendngjarje kanë shkuar grupi hetimor dhe specialistët për Hetimin e Narkotikëve në Komisariatin e Policisë Sarandë.
Pas kontrollit të imtësishëm në automjet u gjetën 72 kilogramë lëndë narkotike kanabis sativa.
Në vijim të veprimeve proceduriale, në bashkëpunim me Komisariatin e Policisë Sarandë është bërë arrestimi i dretuesit të mjetit, shtetasit A. SH., 45 vjeç, banues në Sarandë.
Materialet do ti kalojnë Prokurorisë pranë Gjykatës së Shkallës Parë Sarandë për veprime të mëtejshme, për veprën penale “Trafikimi i lëndëve narkotike” e mbetur në tentativë.
Top Channel
