KPA shkarkon nga detyra kreun e Gjykatë së Lartë: Ka probleme me pasurinë
26/07/2019 11:22
Fiks Fare/ Pushuesit braktisin Llixhat e Hidrai-t në Elbasan, s’ka infrastrukturë, kanalizime dhe ndriçim
26/04 20:42
Komisioni i Posaçëm i Apelimit ka shkarkuar sot nga detyra kryetarin e Gjykatës së Lartë, Xhezair Zaganjori. Më 24 korrik të 2018, gjyqtari në fjalë kishte kaluar procesin e vettingut, duke u rikonfirmuar në detyrë.
Atë kohë KPK vlerësoi se kreu i Gjykatës së Lartë pati bërë deklarime të pasakta të pasurisë dhe kontrata fiktive, por ai u mbrojt duke thënë se kontratat ishin formale për pronën dhe brenda ligjit. Pavarësisht konstatimeve të parregullta me pasurinë, KPK e konfirmoi në detyrë, vendim që u kundërshtua me prova nga Komisioneri Publik, i cili e ankimoi çështjen në KPA.
Sot Kolegji i Posaçëm i Apelimit vendosi shkarkimin e tij, duke dhënë edhe argumentet. Në momentet që KPA ka dhënë vendimin, Zaganjori nuk ka qenë i pranueshëm në sallë.
Sipas KPA-së, kryetari i Gjykatës së Lartë nuk mbulon pasurinë me burime të ligjshme dhe ka kryer deklarim të pasaktë të pasurisë. Në lidhje me shpenzimet e shkollimit të fëmijëve të tij jashtë shtetit, gjyqtari nuk justifikon shumën e shpenzimeve.
Kush është Xhezair Zaganjori
Në vitet 1992-1997, Zaganjori ka qenë ambasador në Gjermani.
Në vitet 1998-1999 ka qenë bashkëpunëtor shkencor pranë Institutit Max-Planck, për të Drejtën Ndërkombëtare dhe të Drejtën Kushtetuese në Heidelberg të Gjermanisë.
Në vitin 2003, Zaganjori është zgjedhur anëtar i Gjykatës Kushtetuese, detyrë të cilën e ka mbajtur për një dekadë.
Në mars të vitit 2013 ai zgjidhet anëtar i Gjykatës së Lartë dhe një muaj më pas emërohet kryetar i kësaj gjykate.
Top Channel
