Debate në KLP, Tiranës dhe Elbasanit i mungojnë 51 prokurorë
18/07 21:17
Foto Ilustruese
Policia e kryeqyteti në përfundim të operacionit të koduar “Lugina 2”, për parandalimin e kultivimit të bimëve narkotike, ka arrestuar dy vëllezër, si edhe ka shpallur në kërkim një të tretë.
Duke ushtruar kontroll periodik të territorit, si dhe bazuar në informacionet e marra në rrugë operative për disa shtetas që përgatiteshin për të kultivuar bimë narkotike në zonën e quajtur “Përroi i Bllomes” në pyllin e fshatit Mënik është organizuar dhe zhvilluar operacioni i koduar “Lugina 2”.
Si rezultat i operacionit u arrestuan në flagrancë:
– M. G., 17 vjeç, banues në fshatin Mënik/Ndroq
– T. G., 35 vjeç, banues në fshatin Mënik/Ndroq
U shpall në kërkim dhe po punohet intesivisht për kapjen e E. G., 37 vjeç, banues në Mënik/Ndroq (të tre vëllezër).
Gjithashtu u procedua në gjendje të lirë kryeplaku i njësisë administrative Ndroq, S. B., 61 vjeç, banues në fshatin Mënik/Ndroq.
Gjatë operacionit në territor në vendin e quajtur “Përroi i Bllomes”, në pyllin e fshatit Mënik në Njësinë Administrative Ndroq u evidentuan fidanë kanabis të kultivuara në tokë.
Materialet procedurale u referuan Prokurorisë pranë Gjykatës Shkallës Parë Tiranë për veprën penale “Kultivim i bimëve narkotike, kryer në bashkëpunim”, në ngarkim të shtetasve M. G., T. G., dhe E. G., dhe për veprën penale “Moskallzim krimi” në ngarkim të shtetasit” S. B.
Top Channel
