Soros: Akuzat e Metës, të çuditshme
09/07/2019 00:35
Fiks Fare/ Ish-gardianët dhe të burgosurit e punësuar pa paga, fondi u akordua pas 5 muajsh 27/11 20:45
Fondacioni Shoqëria e Hapur apo siç njihet ndryshe fondacioni “Soros” ka reaguar pas akuzave të hedhura në adresë të themeluesit të tij, miliarderit George Soros nga Presidenti Ilir Meta, duke e akuzuar për komplot dhe ndërhyrje në zhvillimet e brendshme në Shqipëri për të ndikuar në Reformën në Drejtësi.
Shefja e zyrës së komunikimit të fondacionit “Soros” me seli në Neë York, Laura Silber, tha pë r Zë rin e Amerikë s se “Fondacioni Shoqëria e Hapur është krenar për rolin që ka luajtur, krahas Shteteve të Bashkuara dhe Bashkimit Evropian, për të mbështetur reformën në sistemin gjyqësor në Shqipëri, që është një kërkesë e domosdoshme për hapjen e negociatave me Bashkimin Europian”.
Në deklaratën e zonjës Silber thuhet më tej se “karakterizimi që Presidenti Meta i ka bërë kësaj përpjekjeje kaq publike si një komplot, është i çuditshëm. Ne presim që të takohemi në të ardhmen e afërt me Presidentin Meta, në bazë të ftesës që na ka dërguar”, shton më tej ajo. Në Shqipëri “Fondacioni Soros” e zhvillon aktivitetin që prej vitit 1994.
Top Channel
