Arma e gjahut që po pastronte dyshohet se iu shkrep aksidentalisht, ndërron jetë 50 vjeçari në Maliq 19/05 20:16
Nga protesta e 10 kombëtare, Lulzim Basha foli edhe për synimet e opozitës për zgjidhjen e krizës politike dhe ndërtimin e një Shqipërie evropiane. Kryeopozitari Basha theksoi se “duhet një reformë kushtetuese, politike, zgjedhore dhe të partive politike.”
Por sipas Bashës, këto sfida do realizohen vetëm pas largimit të Edi Ramës nga posti i kryeministrit.
“Këto reforma do të garantojnë mundësinë e kujtdo për t’u zgjedhur. Do të sigurojnë që paratë e krimit dhe oligarkëve të mos kenë rol në zgjedhje. Administrata dhe burimet qeveritare të mos kenë rol në zgjedhje. Mediat të mos jenë instrument i manipulimit të votuesve”, u shpreh Basha.
Kreu i Partisë Demokrati theksoi se nuk do të ketë zgjidhje të krizës pa dalë përpara drejtësisë ata që vodhën votat e shqiptarëve, pasi nuk dëshiron që të përsërisë të shkuarën.
“Ky ndryshim mund të vijë vetëm nëse ne nuk përsërisim ata që kemi bërë në të shkuarën. Kriza do të zgjidhet me parime dhe jo me pazare. Kjo krizë do të zgjidhet duke i dhënë fund pandëshkueshmërisë. Ata që e zhytën vendin në krizë nuk do të dalin si shpëtimtarë. Dua ta deklaroj sot përpara botës, deri sa të dalin përpara drejtësisë së vërtetë ata që vodhën votat e shqiptarëve, nuk do të ketë zgjidhje të krizës. Ne do të bëjmë çdo gjë për t’i nxjerrë përpara drejtësisë së pavarur dhe bashkë me ta do të largojmë Edi Ramën nga pushteti”, deklaroi Basha.
Lulzim Basha foli edhe për votimet e 30 qershorit: “Më 30 qershor ne refuzuam të keqen, izoluam krimin, ndëshkuam korrupsionin. 30 qershori është ndëshkim ndaj të keqes: Rama ik. 30 qershori është një moment i mrekullueshëm i lirisë, evropianizimit dhe qytetarisë së shqiptarëve. 30 qershori hyri në histori si dita kombëtare e kurajos kur shqiptarët treguan se ata kanë forcën të ndahen nga e keqja. 30 qershori ishte dita e popullit, kur shqiptarët treguan se janë kundër regjimit kriminal të Edi Ramës. Vetë kandidoi, vetë votoi, vetë numëroi, vetë i vodhi votat Edi Rama. Por ai nuk mund të fshihte refuzimin e 85% të shqiptarëve. Populli i ndriçuar është fundi i autokratëve të korruptuar.”
Basha kishte dhe një falenderim për partitë aleate: “Faleminderit opozitës së bashkuar, u jam mirënjohës secilit prej jush, nga kryetarët deri te anëtarët e thjeshtë. Bashkë jemi një uragan i pandalshëm.”
Kreu i PD-së theksoi se kurajo e qytetarëve “na ka bërë më të fortë, më të vendosur.”
Top Channel
