Tregu energjetik Shqipëri-Kosovë/Nis punë vitin e ardhshëm linja 400 KV

Operimi i linjës në treg do të nisë me 14 prill të vitit 2020, datë në të cilën edhe Kosova do ta nisë operimin si bllok rregullues në sistemin energjetik të Evropës.

Kreu i KOSTT-it, Ilir Shala në një intervistë për Top Channel ka treguar se kjo pritet t’i hap rrugë tregut të përbashkët mes dy shteteve dhe që do të ndikojë në uljen e çmimit të energjisë.

“Është një hap drejt operacionalizimit të burës shqiptare të energjisë elektrike. Do ndikojnë në çmimin e energjisë elektrike me të dyja vendet. Do ketë ulje të çmimit, meqenëse është transparenca më e madhe, ku bursa po menaxhohet prej të dyja palëve, tha Ilir Shala, kreu i KOSTT-it

Funksionalizimi i linjës kishte mbetur peng shkak i shfrytëzimit të linjave pa pagesë nga Serbia për energjinë transit. Nga kjo energji, Serbia që nga vitit 2008 ka përfituar 65 milionë euro. Si pasojë Operatori i Sistemit të Transmisionit dhe Tregut deri tani ka paguar kredi në vlerë të 7 milionë eurove, nga 17 milionë sa ka marrë gjithsej për ndërtimin e linjës, megjithëse vazhdon të jetë pasive.

E operimi i Kosovës si bllok rregullues, mundëson jo vetëm qarkullimin e energjisë përmes linjës me Shqipërinë por edhe pavarësimin e tërësishëm nga Serbia në aspektin energjetik dhe shtrirjen e autoritetit edhe në veri të vendit.

“Benefitet janë që përveç kësaj që njihet e barabartë në kuptimin e operimit, meqenëse e gjitha infrastrukturën teknike dhe operative e kemi në dispozicion”, shtoi Shala.

Ky është një sukses i Kosovës. Vota pro e operatorëve që na njohin si partner, pra si operator më vete. Kjo na mundëson që ta shtrijmë autoritetin tonë në të gjkithë tregun e Kosovës, përfshi edhe Veriun, që është për ne një sfidë e gjatë”, tha Ramush Haradinaj, kryeministër i Kosovës

Për energjinë e shfrytëzuar nga banorët e veriut, së fundi autoritetet vendore kishin bërë tërheqjen e energjisë nga rrjeti evropian në mënyrë të pa autorizuar, e që borxhi kap vlerën e mbi 18 milionë eurove.

Top Channel