Danimarka ndërton ishullin energjetik më të madh baltik, një përgjigje gjeopolitike dhe strategjike ndaj sigurisë energjetike 01/02 21:43
Në prag të një eklipsi total diellor, të dukshëm në disa vende të hemisferës jugore, njerëzit në rripin e errësirës totale në Kilin verior, po përjetojnë frenezinë e para-eklipsit me përgatitjet finale dhe me dhjetëra e mijëra turistë po mbërrijnë për tu bërë dëshmitarë të këtij eventi të shumëpritur astronomik.
Si Argjentina ashtu edhe Kili do të jenë nën një fashë hijeje mbi 9 mijë kilometra të gjatë përmes paqësorit jugor që do të përjetojë një eklips total kur hëna të bllokojë plotësisht diellin.
Eklipsi total i diellit do të jetë i dukshëm në disa vende të hemisferës jugore gjatë ditës. Njerëzit e mbledhur në Kili janë “armatosur” me syze të posaçme në mënyrë që të mund të shijojnë sa më mirë eventin.
Për shkencëtarët që ia kanë dedikuar jetën e tyre astronomisë, përjetimi i këtij fenomeni është një mundësi unike. Rajoni në kufirin mes Kokuimbos dhe Atakamës, është ai ku eklipsi do të zgjasë më shumë, 2 minuta dhe 36 sekonda. Një tjetër eklips i plotë i diellit do të ndodhë më 14 dhjetor 2020.
Top Channel
