SPAK e dyshon për përfitime monetare të paligjshme, Artan Hoxha: Nuk kam marrë para nga Suel Çela, kam denoncuar… 26/11 23:00
Uruguaji dhe Kili janë dy skuadrat e fundit Çerek-finaliste të Copa America. këto dy skuadra luajtën mes tyre ndeshjen e fundit në Grupin C të kompeticionit me skuadrën e Oscar Tabarez që fitoi me rezultatin e ngushtë 1-0 duke u shpallur edhe si fituese e grupit me 7 pikë.
Uruguaji nuk ishte bindës në lojën e tij, por ishte cinik dhe konkret dhe arriti t’i imponohej Kilit në këtë ndeshje në minutat e fundit të saj teksa shënoi golin e fitores me Edinson Cavanin në të vetmin rast që krijoi gjatë gjithë ndeshjes.
Për Kilin mbeti keqardhja që nuk mundi të zhbllokojë rezultatin e sfidës në minutat e para të saj, gjë që mund të ndryshonte rrjedhën e ngjarjeve. Në ndeshjen tjetër të këtij grupi, mes Ekuadorit dhe Japonisë nuk pati fitues pasi sfida përfundoi me barazimin 1-1, një rezultat ky që eliminoi të dyja skuadrat dhe favorizoi Paraguajin që kaloi në cerekfinale të Copa America.
Gjithçka ndodhi në pjesën e parë të ndeshjes. Japonia ishte ajo që mori avantazhin në këtë ndeshje me Nakajiman në minutën e 15, por Ekuadori arriti të barazojë me Angel Mena. Tashmë janë përcaktuar edhe çiftet cerek-finaliste që janë Brazil-Paraguaj, Venezuelë-Argjentinë, Kolumbi-Kili dhe Uruguaj-Peru, ndeshje të cilat do të luhen në datat 27,28 dhe 29 qershor dhe do të transmetojnë në paketën Supersport të platformës Digitalb.
Top Channel
