“I dyshuari ka qëndruar në katin e dytë të një hoteli”, gazetarja për vrasjen e ndërtuesit: Dy vëllezërit kishin blerë online një pushkë 25/11 09:32
Ish-deputeti i Partisë Demokratike, Enkelejd Alibeaj i është kundërpërgjigjur letrës se hapur që Kryeministri iu drejtua sot demokratëve, duke e cilësuar si mediokre.
Zoti Alibeaj nëpërmjet një postimi në Facebook, thotë se letra e Edi Ramës është e turpshme dhe që ai kërkon me çdo kusht dhe çdo çmim, të mbrojë karrigen e tij si garanci për të mbrojtur milionat e krimit dhe korrupsionit.
“Ndërsa po shihja nëpër rrjetet sociale, se cili nga qeveria ka shkuar në Korçë, për t’iu gjendur pranë banorëve që po kalojnë momente ferri nga tërmeti që goditi këtë zonë,
Kur prisja ndonjë reagim për mega-aferën e rrugës Milot-Balldren, që do të marrë nga xhepat e shqiptarëve, plot 16 milion euro për km,
Kur po prisja një plan pune për lajmin mbi dështimet e qeverisë që sollën vendimin e tmerrshëm që erdhi nga Holanda për rikthimin e vizave,
Kur prisja ndonjë sqarim për shembjen e tunelit në rrugën e Arbrit
Kur prisja ndonjë reagim për kriminelët që ka përfshirë në listat e kandidatëve me të cilët po shantazhon shqiptarët me zgjedhje të parablera,
Kur prisja ndonjë reagim për vitet e burgut që duhet të bëjë Vangjush Dako, Damjan Gjiknuri, Pjerin Ndreu e dhjetra zyrtarë të tjerë të kapur në shitblerje votash, pashë një letër mediokre, të turpshme, të Edi Ramës që kërkon me çdo kusht dhe çdo çmim, të mbrojë karrigen e tij si garanci për të mbrojtur milionat e krimit dhe korrupsionit.
Edi Rama mendon se do të gjunjëzojë popullin me presion me shantazh me kërcënim e nga ana tjetër të vazhdojë ta vjedhë e varfërojë.
Kjo kohë ka mbaruar.
Populli është në këmbë, kundër pushtetit të ardhur nga krimi e nga vota e blera për të vjedhur e grabitur Shqipërinë. Nesër ora 19.00 së bashku para Kryeministrisë për #ShqipëriaSiEuropa”, shprehet Alibeaj.
Top Channel
