PD-LSI për rrugën Milot-Balldren: Po vidhet me koncesion! Abuzim
30/05/2019 14:13
Merrte makina me qira në Greqi dhe i përdorte për trafik klandestinësh, dënohet në mungesë shqiptari 20/04 12:43
Partia Demokratike dhe LSI pothuajse në një kohë denoncuan si abuziv një nga koncesionet e reja për ndërtimin e rrugëve. Deputeti Agron Shehaj denoncoi shifrat për koncesionin e rrugës Milot-Balldren.
“ Kontrata e koncensionit të rrugës Milot-Balldren është kontratë mashtruese. Kompania ANK ka marrë përsipër të paguajë 52 milionë euro nga kapitali i saj, kur ka vetëm 4 milionë euro kapital. Kompania ka premtuar që me ketë kapital minimal do të marrë edhe 70 milionë euro të tjera kredi nga bankat dhe 19,5 milionë euro financim nga furnitorët (!). Ose ANK ka fryrë kostot në një skemë tipike korrupsioni, ose do pastrojë para të pista në këtë projekt, ose të dyja bashkë. Një gjë është e sigurt: kompania nuk e ka kapitalin për të cilin ka mashtruar në kontratë dhe ky mashtrim duhet hetuar menjëherë”, tha Shehaj.
Ndërsa numri dy i LSI Petrit Vasili ishte edhe më i ashpër.
“ Sa vidhet të nderuar qytetarë? Vidhet në mënyrë çnjerëzore. Rruga Milot – Balldren që lidh dy funde rrugësh. Rruga e ka çmimin 15 milionë euro kilometrin. Një shtesë rruge fushore nga Orikumi në Dukat e ka çmimin mbi 5 milionë euro. Të nderuar qytetarë, që ju të kuptoni më mirë sesa vjedhin këta, pra e kuptoni 15 milionë euro ishte ajo rruga Milot Balldren atje në fund”, tha Vasili.
Vasili merr si shembull rrugën Fier-Vlorë, me 4 korsi, me ura, me një asfaltim të nivelit europian e cila kushtoi 2 milionë euro për kilometër.
“ Brenda 10 ditëve dhurata e tmerrshme që iu ka lënë mbi kurriz qeveria ju të tërëve, është një dhuratë e cila shkon jo më pak sesa afër 400 milionë euro të cilat di paguhen nga xhepat e qytetarëve të varfër shqiptarë”, tha ai.
Top Channel
