SHBA: Rusia po përshkallëzon konfliktin me praninë e trupave koreano-veriore 18/11 22:44
Kryeministrja britanike, Theresa May mbetet kundër një referendumi të dytë mbi “Brexit”-in, por hapet ndaj mundësisë që Dhoma e Komuneve të votojë për një amendament që do të çonte në këtë rezultat.
May, gjatë një fjalimi para deputetëve propozoi një marrëveshje të re mbi “Brexit”-in, me të cilën do të tentohet të kapërcehet ngërçi. Zgjidhja e re, sipas udhëheqëses konservatore përfaqëson mundësinë e fundit për të zhbllokuar situatën.
“Vota kundër në lexim të dytë do të thotë votë kundër Brexit”, tha kryeministrja në Londër, për të ilustruar hapjen e saj ndaj kundërshtarëve dhe gjetjen e një terreni të përbashkët në Parlament për të realizuar shkëputjen nga BE-ja, për të cilën është rënë dakord me bllokun.
May ka nënvizuar se e ka konsideruar gjithnjë realizimin e “Brexit”-it një detyrë të jashtëzakonshme, pas një rezultati të qartë të referendumit të vitit 2016.
“Ishte edhe më e vështirë nga sa e kisha imagjinuar”, ka pranuar ajo, duke shtuar se mbetet e bindur që, sidoqoftë, mënyra më e mirë për të realizuar “Brexit”-in është dalja nga BE-ja me një marrëveshje të mirë dhe përcaktimi i bazave për një bashkëpunim në të ardhmen me 27 anëtarët e bllokut.
Sidoqoftë, opozita mbetet kundër, me Jeremy Corbyn që thotë se nuk ka ndryshime thelbësore në planin e Mayt.
Top Channel
