Prokuroria e Krimeve të Rënda ka marrë në pyetje Fredi Bejlerin, i cili është në hetim për akte terroriste. Rihapja e hetimit për masakrën e Peshkepise në vitet ’90 nxori në skenë emrin e tij.
Masakra u mor përsipër nga organizata terroriste, MAVI. Bejlerit me herët iu refuzua nga KQZ kandidimi për Bashkinë Himarë.
I pyetur nga gazetarja Anila Hoxha ai tha: “Erdha në prokurori që të mbarojë baltosja dhe poshtërimi ndaj figurës sime për një çështje që nuk kam asnjë lidhje. Në ditë dhe në muajin që është bërë veprimi unë kam qenë në Qipro. Dhe autoritet greke dhe ato shqiptare kanë provat që të ndalojnë poshtërimin e figurës time për veprimet e mia politike”.
Çfarë provash iu depozituan prokurorët për këtë çështje?
Bejleri: Asnjë provë.
Ka të dhëna që tregojnë se iu jeni marrë në hetim për këtë çështje…
Bejleri: Nuk jam marrë në hetim.
I pyetur se çfarë mund të thotë se 1 vit pas kësaj masakre u ndalua nga autoritet greke së bashku me disa persona të tjerë, Frdi Bejleri refuzoi të përgjigjej.
Top Channel
