Në vitet ‘90, lajmet më të mëdha në mediat holandeze fokusoheshin tek grupet e fuqishme kriminale nga ish shtetet e Jugosllavisë, të cilat konsideroheshin si më mizoret.
Studiueses Nevenka Tromp iu kërkua nga autoritetet holandeze që të shkruante një libër për akademinë e policisë, që do ta ndihmonte për të menaxhuar situatën e krijuar në atë kohë.
Por në rastin e shqiptarëve, ajo mendon se deputetët nuk kanë fakte konkrete që bazohen në studime serioze mbi mënyrën se si funksionojnë dhe sa të shtrira janë grupet kriminale shqiptare.
“Nëse doni të merrni një vrasës me pagesë, do të jetë një Jugo, siç i quanin. …Një nga ngjashmëritë që shoh me hapjen e kufijve me Shqipërinë, është që shumë njerëz duan të lënë vendin. Dhe mes këtyre është dhe një numër i caktuar kriminelësh profesionistë. Interesantja që po ndodh tani në debatin politik brenda parlamentit holandez, është që po i jepet shumë vëmendje krimit të organizuar shqiptar në Holandë. Por në të njëjtën kohë, është gjithnjë toni politik, në kuptimin që ngaqë hapëm kufijtë me Shqipërinë, po vijnë gjithë këta kriminelë në vendin tonë e po e bëjnë shoqërinë të pasigurt. Nuk besoj se është argument serioz. E besoj që përdoret për qëllime politike. Për partitë që nuk duan hyrjen e anëtarëve të rinj në BE”, tha Nevenka Tromp, studiuese dhe pedagoge.
Top Channel
