‘Shpërthejnë’ protestat në Beograd kundër qeverisë, Vuçiç akuzon studentët: Po paguheni nga Perëndimi
23/12 07:34
18 milion euro është borxhi i Operatorit të Sistemit, Transmisionit dhe tregut të energjisë elektrike në Kosovës që e ka deri tani ndaj Rrjetit Evropian, si pasojë e tërheqjes së energjisë elektrike në mënyrë të pa autorizuar me qëllim të furnizimit të katër komunave veriore.
Ky borxh po akumulohet si pasojë e mos zbatimit të marrëveshjes së Brukselit për energji elektrike mes Kosovës e Serbisë.
Marrëveshja parasheh hapjen e një kompanie në veriun e vendit me qëllim të furnizimit dhe faturimit të komunave veriore.
Por, ministri i Zhvillimit Ekonomik, Valdrin Lluka ka treguar për Top Channel, se kompania nuk ka aplikuar për licencë duke arsyetuar me vendosjen e masës mbrojtëse 100 për qind ndaj produkteve serbe.
Zëvendës kryeshefi i KOSTT-it, Kadri Kadriu ka treguar se kjo shumë pritet të paguhet atëherë kur Kosovës t’i njihet borxhi që Serbia e ka ndaj saj me rastin e shfrytëzimit të linjave për energjinë transit.
Deri në dhjetor të 2017-ës, energjia elektrike e shpenzuar nga banoret e Mitrovicës Veriore, Leposaviçit, Zveçanit e Zubin Potokut u është faturuar qytetarëve të pjesës tjetër të vendit.
Kjo praktikë u ndalë pas një vendimit të Gjykatës Themelore në Prishtinë, që kishte nisur si rast nga Avokati i Popullit.
Këto shpenzime janë paguar edhe përmes buxhetit të shtetit. Në marsin e 2018-ës Qeveria mori vendim për ndarjen e 1 milion eurove.
Top Channel
