Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Irani do të përgjigjet nëse anëtarët e tjerë të OPEC kërcënojnë interesat e saj, tha ministri i naftës Bijan Zanganeh të enjten në lidhje me presionet në rritje nga Uashingtoni për të zeruar shitjet e naftës së papërpunuar iraniane, me ndihmën e rivalëve rajonalë të Teheranit.
Shtetet e Bashkuara kanë kërkuar që klientët e naftës iraniane, të ndalojnë blerjet nga fillimi i majit ose do të përballen me sanksione, duke i dhënë fund gjashtë muajve pezullim të vendimit, të cilat i kanë lejuar tetë konsumatorët kryesorë të Iranit, shumica e tyre në Azi, të importojnë vëllime të kufizuara.
Arabia Saudite ka përshëndetur masën e SHBA për të sanksionuar blerësit e naftës nga Irani dhe ka thënë se është gati të plotësojë kërkesën e konsumatorëve të naftës, duke zëvendësuar furnizimet nga Teherani.
Pas një takimi me Sekretarin e Përgjithshëm të OPEC, Mohammad Barkindo në Teheran, Zanganeh paralajmëroi se organizata e vendeve naftë-prodhuese mund të “rrëzohej” për shkak të “veprimeve të njëanshme” nga disa anëtarë, në një referencë të qartë për Arabinë Saudite.
“Irani është anëtar i OPEC-ut për shkak të interesave të saj dhe nëse anëtarët e tjerë të OPEC-ut kërkojnë të kërcënojnë Iranin, ose të rrezikojnë interesat e saj, Irani nuk do të mbetet i heshtur”, citohet Zanganeh nga agjencia e lajmeve Shana.
Top Channel
