Rumania mban zgjedhjet presidenciale/ 13 kandidatë në garë për postin e kreut të shtetit 24/11 09:43
Presidenti francez dhe homologu i tij italian, Emmanuel Macron e Sergio Mattarela janë takuar në Amboise, në luginën franceze Loire, për të shënuar 500-vjetorin e Leonardo da Vincit.
Dy krerët e shteteve vizituan varrin e Leonardos, një varr modest në një kishë në kështjellën “Amboise”, që supozohet se mban eshtrat e mjeshtrit të madh, si dhe shtëpinë e tij “Clos Luce” aty afër, ku piktori i Rilindjes u nda nga jeta më 2 maj të vitit 1519.
Vizita vjen në mesin e tensioneve diplomatike mes dy vendeve, që tradicionalisht kanë qenë aleate të ngushta, kjo për shkak të politikave të emigracionit.
Trashëgimia e Da Vincit në vetvete ka qenë e diskutueshme mes Francës dhe Italisë. Zyrtarët italianë thanë në nëntor se donin të rinegocionin huazimin e planifikuar të veprave të tij në Luvër, për ekspozitën e përvjetorit, sepse francezët nuk mund t’i kenë të gjitha.
Misteri i “Salvator Mundi”. Kërkohet nga Luvri, por mund të mungojë
Por, këtë të enjte, Roma dhe Parisi po lënë mënjanë tensionet për të nderuar gjeniun e Rilindjes, në qytetin ku ai kaloi vitet e fundit të jetës.
Në vitin 1516, në moshën 64-vjeçare, Leonardo da Vinci u largua nga Italia për t’u vënë në shërbim të Mbretit të Francës. Shumë nga kryeveprat e tij i mori me vete dhe ia shiti monarkut francez, duke krijuar një trashëgimi që tani ekspozohet në Muzeun e Luvrit në Paris.
Top Channel
Rumania mban zgjedhjet presidenciale/ 13 kandidatë në garë për postin e kreut të shtetit 
