Të sëmurë e të braktisur/ 310 pacientë të vetmen shtëpi kanë spitalin në Elbasan
17/04/2019 15:54
Mashtroi administratorin e një biznesi në Librazhd dhe i mori paratë, arrestohet 32 vjeçari (EMRI) 04/05 10:35
Sëmundjet mendore, ashtu si të gjithë llojet e sëmundjeve, kategorizohen në të rënda kur kërkohet trajtim spitalor, ndoshta për disa kohë, por edhe sëmundje që mund të trajtohen në shtëpi dhe në ambiente familjare.
Kjo e fundit ndikon edhe në gjendjen shpirtërore dhe emocionale të pacientit i cili ka pranë njerëzit e tij të dashur. Por nuk janë të paktë ata njerëz që mbyllen në spitalet psikiatrike dhe më pas braktisen.
Resmie Reshmeliu prej 5 vitesh trajtohet në spitalin psikiatrik të Elbasanit, ndërkohë që ndjen mall për familjen dhe 8 fëmijët e saj të cilët pothuajse nuk vijnë kurrë ta vizitojnë.
Sëmundjet mendore vazhdojnë të jenë tabu në shoqërinë tonë, por sipas psikologëve edhe kushtet e familjave shqiptare e bëjnë të vështirë përkujdesjen ndaj një të sëmuri të tillë.
Spitali psikiatrik i Elbasanit ka aktualisht 310 pacientë të shtruar, një pjesë e tyre këtë kanë të vetmen shtëpi ndërkohë stina e verës stimulon me tej problematikat që kanë lidhje me stresin e depresionin ndërsa mjekë e psikilogë gjithnjë e më tepër bëjnë apel për pranimin e këtyre sëmundjeve si çdo sëmundje tjetër.
Top Channel
