“Fituan Scudetton dhe falimentuan”/ Marotta i përgjigjet ‘kunjave’ të presidentit të Milanit: Jemi të vetmit në qytet me dy yje 23/12 21:18
Marc Marquez vazhdon diktatin e tij në MotoGP dhe këtë e shfaqi edhe në pistën e Ostinit, në Teksas, në ndalesën e radhës së këtij Botërori.
Piloti spanjoll i Hondës fitoi “pole position”-in e tij të 7 në tokën amerikane, duke krijuar menjëherë një diferencë të dukshme me ndjekësit e tij. Marquez e përshkoi pistën me kohën 2 minuta, 3 sekonda e 787 të mijëtat, duke lënë në vend të dytë rivalin e tij Valentino Rossi, ndërkohë që në vendin e tretë, duke plotësuar vijën e parë të nisjes, u rendit britaniku Cal Crachlow.
Nuk shkoi më shumë se vendi i 6 piloti tjetër i Yamaha, Maverik Vinales, i cili ka para vetes Jack Miller dhe Pol Espargarò.
Provat kualifikuese ishin krejtësisht për t’u harruar për motorin Ducati, me Doviziozon që nuk shkoi më shumë se vendi i 13, ndërkohë që Lorenzo do të niset nga vendi i 11 në garë, për shkak të një problemi teknik të shfaqur në motorin e tij.
Top Channel
