Krahas mbështetësve të Partisë Demokratike, edhe ata të Lëvizjes Socialiste për Integrim, kanë mbërritur në bulevardin “Dëshmorët e Kombit”, para kryeministrisë, për t’iu bashkuar protestës.
Disa të rinj të forumit rinor të kësaj force politike, kanë zgjedhur të protestojnë me simbole kombëtare, duke veshur bluza me stampën e flamurit kuqezi.
Ndryshe nga zgjedhja e LRI-së, simpatizantët e PD-së kanë përdorur masivisht edhe flamujt e forcës së tyre politike, diçka që ndodh për herë të parë në këtë valë protestash.
Gjithashtu Partia Demokratike ka shpërndarë mbi 1000 çadra për protestuesit, të cilat janë të stampuara me mbishkrimin “Rama IK”.
Top Channel
