Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Për Diego Costën mbyllet sezoni në La Liga. Komisioni i Disiplinës i Federatës Spanjolle të Futbollit dënoi sulmuesin e Atletico Madrid me 8 ndeshje pezullim pas kartonit të kuq direkt të marrë në ndeshjen me Barcelonën në Camp Nou, të zhvilluar të shtunën e kaluar.
Diego Costa u ndëshkua në minutën e 28 të sfidës nga arbitri Gil Manzano, sipas të cilit futbollisti iu drejtua me fyerje të rënda, diçka që Diego Costa e mohoi. Por, jo vetëm kaq. Në raportin e tij, Manzano deklaroi se Diego Costa e mbajti atë për të evituar nxjerrjen e kartonave të verdhë për shokët e tij të skuadrës.
Atletico Madrid nga ana e tij paraqiti ankesat e tij, diçka që motivoi Komisionin e Disiplinës t’i kërkojë arbitrit që të sqarojë raportin e tij, me Manzanon që e dorëzoi atë ditën e mërkurë. Pasi dëgjoi palët e përfshira në këtë çështje, Komisioni i Disiplinës në Federatën Spanjolle vendosi që të dënojë Diego Costën me 8 ndeshje pezullim, nga të cilat 4 ndeshje për fyerje ndaj arbitrit dhe 4 të tjerat për mbajtjen e tij.
Ndërkaq, klubi madrilen ka vendosur që të apelojë këtë vendim për të reduktuar ndëshkimin për sulmuesin braziliano-spanjoll, për të cilin ky sezon nuk ishte shumë i mirë për shkak edhe të dëmtimeve që e kanë shoqëruar.
Top Channel
