Studimi i ri në 80-vjetorin e Çlirimit/ 7200 dëshmorë ranë në luftën me pushtuesin, mbi 2000 viktima nga ‘lufta civile’. Rama: Historinë e shkruan fitimtarët 29/11 13:53
Gjatë takimit me qytetarët në Shkodër, Kryetarja e LSI-së Monika Kryemadhi tha se ndërsa debati politik është i fokusuar te mungesa e Gjykatës Kushtetuese, mungesa e gjykatës së lartë, etj gjendja ekonomike e shqiptarëve është e pashpresë dhe në një krizë të thellë ekonomike.
Kryemadhi theksoi se sot 90% e shqiptarëve nuk janë në gjendje të ushqejnë fëmijët e tyre, të mbajnë prindërit e tyre.
Kryetarja e LSI-së tha se 90% e shqiptarëve nuk janë në gjendje të paguajnë faturat e energjisë elektrike dhe se po 90 e shqiptarëve duan të ikin nga Shqipëria për të mos u kthyer më, për shkak të kësaj qeveria, e cila po vjedh paratë e tyre.
“Ne që merremi me politikë, flasim për kapjen e shtetit, flasim për mungesën e Gjykatës Kushtetuese, flasim për mungesën e Gjykatës së Lartë, flasim për polici të kapur nga krimi, flasim për një administratë që nuk ekziston, por 90% e shqiptarëve diskutojnë për kafshatën e bukës. 90% e shqiptarëve nuk arrijnë të ushqejnë dot fëmijët e tyre. 90% e shqiptarëve nuk arrijnë dot të mbajnë prindërit e tyre. 90% e shqiptarëve nuk kanë mundësi të paguajnë faturën e energjisë elektrike. 90% e shqiptarëve nuk kanë mundësi të paguajnë faturën e ujit. 90% e shqiptarëve duan të ikin një orë e me përpara nga Shqipëria dhe për të mos e kthyer më kokën pas. Përse ndodh kjo? Kjo ndodh, sepse qeveria e cila është e vetmja në këmbë sot, sepse i gjithë sistemi ka rënë, do të mendojë vetëm për pesë veta, të cilët paratë e shqiptarëve i merr dhe i fut në xhepat e tyre”, tha Kryemadhi.
Top Channel
