Hiqen dy prej anëtarëve të jurisë të përzgjedhur për gjyqin penal ndaj ish-presidentit Trump 18/04 20:58
Kjo e hënë ishte dita e pagës së barabartë dhe metroja e Berlinit ka zgjedhur ta shënojë atë në një mënyrë të veçantë.
Ajo i ka ofruar femrave bileta me çmim të reduktuar, për të nxjerrë në pah kështu dallimin në paga mes gjinive.
Sipas drejtueses së metrosë së Berlinit, Sigrid Nikutt, bileta e femrave ofrohet vetëm në këtë ditë dhe ka një ulje prej 21 përqindësh.
Dhe kjo për shkak se në Gjermani, femrat fitojnë më pak se kolegët e tyre meshkuj, për të njëjtën punë.
“Unë mendoj se është një gjë e mirë. E bleva biletën sot për 5 euro në vend të 7 eurove që ajo kushton”, tha Anna.
“Unë punoj me shumë gra që janë menaxheret e mia dhe mendoj se nuk është e drejtë. Burrat dhe gratë duhet të paguhen njësoj”, tha Osama.
Iniciativa “bileta për zonjat”, është e kufizuar vetëm për të hënën dhe shoqërohet nga slogani: vëmendje tek hendeku i pagave.
Top Channel
