Debate në KLP, Tiranës dhe Elbasanit i mungojnë 51 prokurorë
18/07 21:17
Policia e kryeqytetit ka mundur të arrestojë 3 shtetas të dyshuar për tregtimin e drogave të forta, në kuadër të operacionit të koduar “Lapraka”, që vinte pas një procedimi penal të regjistruar këtë vit.
Në flagrancë janë kapur dhe arrestuar 25-vjeçari A.D.nga Tirana, 45-vjeçari A.K. po nga kryeqyteti dhe me precedentë të mëparshëm penalë, për vjedhje me armë me pasojë vdekjen, si dhe 34-vjeçarja F.Q., të cilët ishin nën vëzhgim dhe ndjekje nga shërbimet e Antidrogës.
Njëri prej tyre, 25-vjeçari A.D. është ndalur teksa qarkullonte me një mjet në rrugën “Teodor Keko”. Pas sinjalit të ndalimit për kontroll nga patrulla, drejtuesi i mjetit ka hedhur në tokë një qese, brenda së cilës u gjetën 25 doza me lëndë narkotike të dyshuar heroinë. Edhe pas kontrollit në apartamentin e tij, janë gjetur dhe sekuestruar sasi të tjera heroine.
Bashkëpunëtorë të tij ishin shtetasit A.K. dhe F.C., të cilët u kapën në rrugën e “Durësit” dhe pas kontrollit fizik iu gjetën doza lëndësh narkotike me heroinë, për 45-vjeçarin, dhe kokainë për 34-vjeçaren. Që të gjithë ata do të përballen tashmë me akuzat për “prodhim dhe shitje të lëndëve narkotike, e kryer në bashkëpunim”.
Në total, në fund të operacionit janë sekuestruar 51.2 gramë heroinë, 47 doza heroinë, 10.3 gramë kokainë, peshore elektronike, një motorr, aparate celularësh dhe një automjet.
Top Channel
