Sulmohet shtëpia e Netanyahu-t, dy raketa bien në oborrin e rezidencës së kryeministrit izraelit 16/11 22:45
Shkencëtarët holandezë janë shqetësuar pasi rreth 20 mijë zogj të ngordhur janë gjetur në brigjet e Detit të Veriut, në një fenomen që nuk vihet re prej dekadash.
Zogjtë e detit që ushqehen me peshq janë gjetur në brigje me simptomat e një ngordhjeje nga uria.
Biologu marin Mardik Leopold thotë: “Çfarë i ka vrarë ata është një pyetje që vlen miliona dollarë. Ne nuk e dimë përgjigjen. Është një situatë alarmante. Hera e fundit që kemi parë diçka të ngjashme ka qenë në vitet 1980-1990”.
Ngordhja e zogjve është e kufizuar vetëm në brigjet holandeze, pasi nuk është raportuar asgjë e ngjashme në Belgjikë apo Gjermani. Era e fortë dhe dimri mund të kenë cenuar aftësitë ushqyese të zogjve, por shkencëtarët i habit fakti që fenomeni është i kufizuar vetëm në Holandë.
Ka pasur spekulime se ngordhja e zogjve mund të ketë ardhur nga rrjedhje nafte në det, por autopsia e kryer mbi një numër zogjsh nuk e mbështet këtë.
Top Channel
