U rrëzua gjatë punës nga një lartësi, humb jetën në spital 61-vjeçari në Kurbin. Shpallen në kërkim pronarët e firmës dhe drejtuesi teknik 23/11 12:24
Naomi Osaka pushton Melburnin duke fituar turneun e parë Grand Slam të vitit, Australian Open.
Në finale, tenistja japoneze mundi çeken Petra Kvitova me rezultatin 2-1, në një sfidë të cilën ajo mund ta kishte mbyllur më shpejt.
Seti i parë u zgjidh me anë të “tiebreak”-ut, me Osakën që e fitoi atë me rezultatin 7-6. Seti i dytë u duk se ishte më i lehtë për Osakën, e cila mori kryesimin në 5-3 duke pasur në dispozicion 3 pikë për fitoren e sfidës me shërbimin e Kvitovës, me çeken që arriti t’i anulojë për të fituar më pas me shërbimet e Osakës dhe për të barazuar në 5-5.
Edhe dy “game”-t e radhës shkuan në favor të Kvitovës, e cila e mbylli krejt setin 7-5.
Osaka e mori veten nga ajo që ndodhi në fraksionin e dytë në setin final duke arritur të fitojë një “game” me shërbimin e Kvitovës, për të mbyllur këtë set 6-4 dhe krejt ndeshjen 2-1, pas 2 orë e 27 minutash lojë.
Për tenisten 21-vjeçare, ai i Australian Open është titulli i dytë Grand Slam i fituar në karrierë, pas atij të US Open në 2018. Në të njëjtën kohë, Osaka bëhet edhe numri 1 i renditjes botërore në tenisin e femrave, e ndjekur pikërisht nga Kvitova, duke zbritur në vendin e tretë rumunen Simona Halep.
Top Channel
