Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Përfundoi sfida mes Tiranës dhe Flamurtarit për Kupën e Shqipërisë, sfidë e cila nisi ditën e mërkurë por që u pezullua në minutën e 25 për shkak të reshjeve të dendura të shiut duke u shtyrë për këtë të enjte.
Sfida nisi pikërisht në minutën që u ndërpre dhe u mbyll më suksesin e bardhebluve 2-0. Të dy golat për bardheblutë u shënuan në pjesën e parë të sfidës.
Në minutën e 37 Ngo iu dha avantazhin kryeqytetasve, ndërsa 3 minuta më vonë Hoxhallari shënoi edhe golin e dytë për skuadrën e Ardian Memës.
Vlen të theksohet se Tirana humbi edhe një 11 metërsh në minutat e luajtura ditën e mërkurë të kësaj ndeshjeje.
Pas 2 javësh do të luhet ndeshja e kthimit në Vlorë me Tiranën që do të shkojë në atë ndeshje me një avantazh kundrejt vlonjatëve që duhet të fitojnë me 3 gola diferencë.
Top Channel
