Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Mesfushori spanjoll Isco ishte dëshira numër një e trajnerit Allegri, kur mori drejtimin e Juventusit.
I njëjti futbollist është rikthyer në orbitën e teknikut të bardhezinjve këtë dimër. Por, nëse atëherë futbollisti iberik as e mendonte largimin nga Reali i Madridit, tani është shprehur në favor të transferimit te skuadra torineze.
“Sky Sport Italia” pretendon se Juventusi do të fokusohet të Isco, pas marrëveshjes me uellsianin Aaron Ramsey. Situata e komplikuar e spanjollit te kampionët e Europës u konfirmua dhe nga kapiteni Sergio Ramos.
Isco ndihmoi “galaktikët” të fitojnë 3 tituj Champions League radhazi, nën drejtimin e francezit Zinedine Zidane, por ka qenë vetëm 5 herë në formacionin titullar gjatë këtij sezoni në La Liga, situatë kjo që nuk po i pëlqen aspak. Gjithçka lidhet me trajnerin e ri të skuadrës “merengues”, që nuk do t’i besohet Solarit për sezonin e ardhshëm.
Juventusi duhet gjithashtu të mundë konkurrencën e Manchester Cityt, që nuk kursehet në miliona, kur në diskutim janë lojtarë që mund të bëjnë diferencën, si Isco.
Top Channel
