“Martin sot na sheh nga lart”/ Qirinjtë qëndrojnë ende të ndezur në vendin ku u vra 14-vjeçari: Nuk do t’i harrojmë kurrë sytë e tu të bukur si deti 23/11 23:05
Paralelisht me konsultimet e zhvilluara nga AMA për atë që njihet si paketa antishpifje, opozita në bashkëpunim më fondacionin Konrad Adenauer Stiftung organizoi një tryezë diskutimi me përfaqësues të medias të cilët e cilësuan si repressive nismat e qeverisë.
“Autorët e projektligjeve kanë marrë të gjitha masat me urgjencë që çfarëdolloj portali të mund të mbyllet në Shqipëri brenda 24 orësh, me një kërkesë të një komisioni të vogël të AMA-s, kjo padyshim është shenjë restriktive”, u shpreh Koloreto Cukali, Këshilli Shqiptar i Medias.
Drejtues të portaleve online akuzojnë qeverinë se po synon mbylljen e tyre përmes gjobave . Ndaj veprimi thonë ata për të kundërshtuar nismat duhet të jetë i menjëhershëm dhe i ashpër.
“Përmbajtja e këtij ligji absurd. Të shohim edhe në çfarë do bëjmë, do dalim apo jo edhe ne si studentët”, deklaroi Armand Shkullaku.
Kryetari i Partisë Demokratike, u zotua se opozita do të bëjë gjithçka për të kundërshtuar nismat në Parlament, ndërkohë përmes një shkresë problemin e kanë adresuar edhe tek ndërkombëtarët.
Walter Glos, president i Konrad Adenauer Stiftung për Shqipërinë i sheh nismat e qeverisë si të rrezikshme jo vetëm për lirinë e medias por edhe rrugën europiane të vendit tonë.
“Shqipëria si një vend kandidat për në BE ka detyrimin të respektojë lirinë e medias. Shqipëria dhe qeveria aktuale ka ende në dorë të bëjë gjithçka që në qershor të merret çelja e negociatave. Por padyshim ndërhyrja në lirinë e medias padyshim që nuk ndihmon në këtë process”, u shpreh ai.
Dy projektligjet e qeverisë që njihen ndryshe si paketa anti-shfpije, parashikojnë gjoba deri në 1 milion leke për portalet online që publikojnë lajme të rreme si dhe mbylljen e tyre me 1 vit nëse informacioni i rreme publikohet me shumë se 5 herë brenda një viti kalendarik.
Top Channel
