Protesta vijon, studentët grumbullohen para kryeministrisë
07/01/2019 10:43
Organizonin baste sportive online, arrestohen 6 persona në Tiranë 24/11 09:43
Ashtu edhe siç kishin paralajmëruar, studentët nuk janë rikthyer në auditore këtë të hënë, por në protesta, të cilën e ndërprenë për afro dhjetë ditë ne rastin e festave të fundvitit.
Prej orës 08:30 ata kanë protestuar për afro dy orë në fakultetet përkatëse, e më pas rreth orës 10:00 kanë filluar grumbullimin e tyre para Kryeministrisë.
Studentët kanë ftuar në protestë të gjithë qytetarët që duan të protestojnë për të drejtat e tyre.
Sa i përket paktit me universitetin, lançuar nga kryeministri, studentët nuk shprehen të kënaqur dhe thonë se nuk është zgjidhur asnjë prej kërkesave.
Protesta nuk do të ketë një afat, studentët shprehen se ajo do të përfundojë në momentin që kërkesat të marrin zgjidhje, po ashtu nuk përjashtojnë mundësi për përshkallëzim.
Organizatorët kanë vendosur të rikthehen me moton e re PROSTUDENTO.
Top Channel
