Mësim dhe protestë; Në Elbasan shumica vijojnë mësimin
07/01/2019 11:55
Tentoi të vriste një person në 2021-shin, vihet në pranga pas tre vitesh arrati autori 24/11 10:25
Ndryshe nga sa ka ndodhur në Tiranë, apo Korçë, ku studentët kanë bojkotuar të gjithë mësimin, një gjë e tillë nuk ka ndodhur në Elbasan.
Në Universitetin “Aleksandër Xhuvani” në Elbasan sot ka rinisur mësimi.
Raportohet se pjesa më e madhe e studentëve u janë kthyer auditorëve, por ka pasur edhe një grup më të vogël studentësh, të cilët kanë bojkotuar auditorët.
E njëjta situatë ka qenë edhe në Shkodër, ku shumica e studentëve i është rikthyer normalisht mësimit, ndërsa më të paktë ishin ata që e bojkotuan.
Ndërkohë që në Korçë, studentët e Universitetit “Fan Noli”, e kanë bojkotuar të gjithë mësimin.
Top Channel
