Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Milani dhe Chelsea kanë nisur tratativat për një shkëmbim të mundshëm mes Higuainit dhe Moratës, negociata këto që padyshim kërkonin edhe miratimin e Juventusit, duke qenë se argjentinasi është ende në pronësi të “Zonjës së vjetër”.
Megjithatë, nga Torino vijnë me sa duket lajme të mira në lidhje me këtë çështje, pasi bardhezinjtë e miratojnë një lëvizje të tillë.
Arsyeja që Juventusi e sheh me sy të mirë këtë tratativë është për faktin se Chelsea e ka më të lehtë sesa Milani për të paguar shifrën prej 36 milionë eurosh për blerjen e Higuainit. Tani, ajo që do të bëjnë bardhezinjtë është të shohin sesi do të arrijnë akordin mes tyre, Leonardo dhe drejtuesit e klubit londinez.
Disponueshmëria e Juventusit për të lejuar kalimin e Higuainit te Chelsea bashkohet edhe me vullnetin e vet futbollistit, por edhe e atij të Chelseat, gjë që mund të lehtësojë gjithçka. Megjithatë ka disa pika që pengojnë arritjen e shpejtë të një marrëveshjeje, për të cilat duhet gjetur zgjidhja e duhur.
Në këtë pikë, rrugët janë dy; ose shkëmbim në formë huazimi 6-mujor mes Higuainit dhe Moratës dhe pagesën e vlerës së kartonëve të tyre në qershor; ose kalimi i argjentinasit te Chelsea në formë huazimi, me “Blutë” që do të jenë të lirë për të vendosur nëse do ta blejnë apo jo, si dhe kalimi i Moratës te Milani për 18 muaj, gjithnjë në formën e huazimit.
Top Channel
