Kryeministri Rama ka zgjedhur të reagojë përmes rrjeteve sociale, për të ripërsëritur edhe njëherë atë që e quan një farsë, e orkestruar sipas tij për të marrë peng protestën e studentëve, me shpresën e devijimit të saj në një revoltë politike.
“Kjo farsë nuk mund ta mbajë edhe për shumë gjatë në këmbë barrikadën absurde antidialog”, shkruan Rama në Twitter.
Kjo farsë e orkestruar për të marrë peng protestën, me shpresën e devijimit të saj në revoltë politike, s'mund ta mbajë edhe për shumë gjatë në këmbë barrikadën absurde Antidialog?https://t.co/fwwGyJYovi pic.twitter.com/3CwD6yV3U2
— Edi Rama (@ediramaal) December 15, 2018
Ndërkohë, vetëm pak minuta më herët, duke shkruar në Instagramin e preferuar më së shumti prej rinisë, Rama theksoi se studentët meritojnë jo vetëm adresimin e 8 pikave, por një transformim të thellë brenda universitetit, përmes një pakti me qeverinë.
“Një grusht njerëzish, që përsërisin qorrazi avazin kundër dialogut, mbajnë peng mijëra studentë që duan dhe meritojnë jo vetëm adresimin e 8 pikave, po një transformim të thellë brenda universitetit, përmes një pakti me qeverinë! Historia tregon për shumë raste, kur dialogut i janë trembur qeveritë, po s’ka bërë vaki kurrë që t’i tremben studentët. Studentët sot, në fakt nuk i tremben dialogut, por presioneve kundër dialogut, sharjeve e fyerjeve ndaj kujtdo që kërkon dialog, të cilat porositen nga partitë, përmes studentësh që ia kanë shitur shpirtin politikës më të mbrapshtë. Sidoqoftë, farsa e kësaj barrikade absurde kundër dialogut s’ka për të zgjatur sa ka zgjatur. Dialogu do të zhbllokohet, arsyeja do të fitojë dhe së bashku, ne do të hapim një kapitull të ri për universitetin”, shkruan kryeministri Rama.
Top Channel
