FOTOT/ Dyshohet se ekzekutuan me plumb në kokë biznesmenin Eduart Reçi, këta janë dy vëllezërit e arrestuar 24/11 16:40
Kamera e Top Channel ka shkuar në zonën naftëmbajtëse të Marinzës. Ai vend, për më shumë se 40 vite ka shërbyer si dekantimi i naftës bruto, ndërsa është lënë në mëshirë të fatit. Aktualisht është në pronësi të Albpetrolit.
Në këto depozita me kapacitet prej mijëra tonësh bëhej dekantimi i naftës bruto, e cila më pas dërgohej në rafineritë e naftës në Ballsh, Fier dhe Vlorë. Prej më shumë se 20 vitesh, kjo “bombë ekologjike” me një sipërfaqe prej 19.200 metrash katrorë rrezikon shëndetin e banorëve të zonës.
Kryetari i Shoqatës Ambientaliste “Zharrëza”, Qani Rredhi, njëkohësisht banor i zonës, thotë se janë paraqitur projekte të shumta për rehabilitimin e të gjithë zonës, të cilat janë kundërshtuar nga drejtuesit e kompanisë Albpetrol.
Veç sipërfaqes së ndotur nga nafta, edhe kanalet që dikur përdoreshin për kullimin e tokave bujqësore janë shndërruar në venddepozitimi natyror të mbetjeve hidrokarbure.
Top Channel
