Eventi i madh i boksit në Angli, vjen fitorja e parë nga një shqiptar 22/11 22:35
Nuk ka mënyrë më të mirë për të festuar 107-vjetorin e lindjes, sesa shëtitja me biçikletë. Kjo është ajo që ka menduar çiklisti Robert Marchand për ditëlindjen e tij, teksa u pa të përshkonte 15 km me biçikletë në rrugët e Ardeche, një zonë që është në jug të Francës, i shoqëruar nga të gjithë mbështetësit e tij.
Moti nuk ishte në kushtet më ideale, pasi ishte ftohtë, megjithatë kjo nuk e pengoi Marchand, tashmë 107-vjeçar, që të bëjë xhiron e tij.
“Ishte e vështirë për mua gjatë këtij viti, por nuk është edhe aq keq. Nuk është se dua të thyej rekorde, por çdo mëngjes stërvitem për të qëndruar në formë. Unë e bëj vet pazarin e çdo gjë tjetër, sepse nuk mund të qëndroj të gjithë ditën ulur në divan, duke pirë ndonjë gjë”, thotë Marchand.
Robert Marchand është njeriu i 9 që e ka kaluar moshën 100-vjeçare. Ai ka aplikuar sportin e çiklizmit dhe në vitin 1946, në moshën 35-vjeçare u rendit i 7-i në Çmimin e madh të Kombeve.
Pas shkëputjes nga ky sport, ai u rikthye ta aplikonte sërish atë në 1978-n, e vazhdon të stërvitet edhe sot, pavarësisht se i ka kaluar të 100 vitet.
Në shkurt të vitit 2012, ai vendosi rekordin botëror të orës për grupmoshën 100 vjeç, teksa për 60 minuta përshkoi 24.2 km, rekord të cilin e përmirësoi në vitin 2014, teksa përshkoi 26.9 km për 1 orë.
Në janar të vitit 2017, Marchand vendosi një tjetër rekord. Këtë radhë për grupmoshën 105 vjeç, me 22.5 km të përshkuara për një orë. Në moshën 105-vjeçare ai shënoi emrin e tij në librin e rekordeve “Guinness”, si çiklisti më i vjetër në moshë që është ende konkurrues.
Top Channel
