Mbeti i plagosur gjatë konfliktit ku u vra Martin Cani, flet babai i 14-vjeçarit: Janë dy vrasës, njëri është ende i lirë
24/11 09:16
Presidenti Ilir Meta dekretoi nxjerrjen në lirim të Gjeneral-Brigade, Sandër Lleshaj. Ky është një hap i parë i mundshëm drejt dekretimit të tij në postin e ministrit të Brendshëm. Por, afati kushtetues 7-ditor i presidentit po përfundon.
Në katin e tretë të Hotel Tirana International, në mesditë ka pasur një takim mes kryetarit të shtetit dhe kryetarit të Kuvendit, takim që mësohet se do t’i shërbejë gjetjes së një zgjidhjeje përfundimtare për postin e ministrit të Brendshëm.
Të dy kanë konsumuar një kafe, e cila ka zgjatur 30 minuta, ndërsa punonjësit e Gardës kanë mbajtur larg medien.
Në 14 pyetjet e kryetarit të shtetit për statusin e Sandër Lleshajt, dukej shqetësimi se i emëruari i Edi Ramës ishte ushtarak i lartë. Njëherazi, vet Lleshaj bëri kërkesë për zhdekretimin e tij dhe largimin nga karriera ushtarake, kërkesë që u miratua.
Por, çfarë do të ndodhë pas kësaj? Burime i thanë Top Channel se, edhe afati i dytë kushtetues mund të digjet. Ndërkohë, të hënën kryeministri mund ta ripropozojë për herë të tretë emrin e Sandër Lleshajt në postin e ministrit të Brendshëm.
Deri më tani, janë ende për t’u konsumuar orët e fundit të afatit kushtetues.
Top Channel
