Denoncimi i korrupsionit në portalin e bashkëqeverisjes Shqipëriaqëduam.al ka shkaktuar një furtunë të vërtetë në Drejtorinë e Hetimit Tatimor të Shkodrës.
Ministrja e Drejtësisë, Etilda Gjonaj, njëherësh Koordinatorja Kombëtare e Antikorrupsionit, në prezantimin e rezultateve javore të luftës antikorrupsion bëri me dije se është kërkuar largimi nga puna i drejtorit të këtij institucioni dhe 21 inspktorëve të tjerë, po ashtu janë dhënë vërejtje me paralajmërim për largim nga puna për 1 përgjegjës sektori dhe 13 inspektorë të tatimit hetimor.
Pikënisja e hetimeve të Task Forcës Anitkorrupsion në Drejtorinë e Hetimit Tatimor siç thonë burime konfidenciale është bërë denoncimi me fakte dhe prova i një personi që nuk dihet ende nëse është apo jo biznesmen. Fill pas këtij denoncimi Task Forca Antikorrupsion ka ushtruar kontroll me objekt verifikimin e zbatimit të kuadrit ligjor në marrjen e masave administrative ndaj subjekteve ekonomike dhe ekzekutimin e tyre.
Gjatë kontrollit janë konstatuar një sërë shkeljesh të ndryshme të cilat lidhen me mosrespektimin e kritereve ligjore, shkelje të rregullave të inspektimit apo mangësi në plotësimin dhe mbajtjen e dokumentacionit përkatës.
Top Channel
