Kush e përcakton se cili kandidat do të fitojë Shtëpinë e Bardhë? Fjalën e fundit e ka Kolegji Zgjedhor, si funksionon 04/11 22:57
Irani e shënoi me një tubim masiv përvjetorin e mësymjes së ambasadës amerikane dhe pengmarrjeve atje në 1979-tën. Këtë vit, eventi kishte një domethënie të veçantë, për shkak se grumbullimi masiv i njerëzve erdhi në vigjiljen e ripërtëritjes së sanksioneve të Uashingtonit mbi republikën islamike.
Mjëra persona kanë dalë nëpër rrugët e Teheranit dhe qyteteve të tjera me në duar pankarta tallëse për presidentin Donald Trump; disa prej tyre kanë fshirë këmbët me dollarë amerikane false e të tjerë janë angazhuar si përherë në atë që është kthyer tashmë në ritual: djegien e flamurit Amerikan.
39-vjetori i ngjarjes përkoi këtë radhë me rivendosjen e sanksioneve amerikane që përfshijnë edhe një embargo mbi naftën e konsideruar jetike për ekonominë vendase. Masat e fundit shtrënguese pasojnë tërheqjen e Shteteve të Bashkuara të Amerikës nga marrëveshja bërthamore e 2015-tës me Iranin.
Komandanti i Gardës Revolucionare Mohammad Ali Jafari, e përshkroi luftën ekonomike si përpjekjen e fundit të Uashingtonit për të përmbysur regjimin në republikën islamike.
“Me ndihmën e Zotit dhe rezistencën e këmbënguljen e popullit revolucionar të Iranit, edhe kjo armë e fundit e armikut, lufta ekonomike, do të dështoje. Presidenti amerikan duhet ta dije se kurrë nuk duhet ta kërcënojë Iranin”, u shpreh Mohammad Ali Jafari, komandant i Gardës revolucionare.
Marrja e ambasadës së SHBA nga studentët radikale ishte një prej momenteve kyçe të revolucionit islamik të 79-tës çka çoi drejt një krize 444 ditore, e cila i dëmtoi përgjithmonë marrëdhëniet mes Uashingtonit dhe Teheranit.
Top Channel
