Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Napoli është rikthyer te fitorja në kampionatin italian, teksa ka mposhtur Empolin me rezultatin e thellë 5-1, në ndeshjen hapëse të javës së 11.
Skuadra e Ancelottit vinte pas barazimit me Romën javën e kaluar, por ndaj Empolit e nisi me mjaft vrull dhe kaloi në avantazh që në minutën e 9’, me anë të sulmuesit Lorenzo Insigne, pas një aksioni personal të mbrojtësit Koulibaly.
Në minutën e 38’ ishte sërish Insigne, që këtë herë shërbeu me një asist sulmuesin belg, Dries Mertens dhe ky i fundit dërgoi topin në portën e mbrojtur nga Provedel, duke “futur” në shina një ndeshje aspak të lehtë.
Empoli reagoi në minutën e 58’ dhe rihapi takimin pas një goli të shënuar nga Caputo, por Mertens shënoi vetëm 6 minuta më pas golin e dytë personal dhe të tretin për Napolin. Në minutat shtesë ishin polaku Milik dhe sërish belgu Mertens, që shënuan për Napolin dhe vulosën suksesin 5-1.
Me këtë fitore, Napoli redukton në vetëm 3 pikë distancën nga Juventusi kryesues, që do të luajë ndeshjen e tij të 11 gjatë ditës së nesërme, ku do të presë Cagliarin në “Allianz Stadium”.
Top Channel
