Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Ashtu si shumica e argjentinasve, Sabrina Pozo hante mish disa herë në javë, por “fluturimi” i inflacionit dhe zhvlerësimi i monedhës së Argjentinës, Pesos, që nga prilli e kanë detyruar atë të ndryshojë papritmas dietën e saj.
“Zakonet e mia ndryshuan shumë. Më parë, ndoshta unë bëja një herë në javë mish viçi Milanese dhe një herë në javë mish viçi të pjekur”, tregon Pozo, 36 vjeç, për Reuters.
“Tani, ndoshta nuk do të bëj mish viçi ose unë zgjedh të bëj pulë, e cila është pak më e lirë”, tha Pozo, një mjeke që jeton me vajzën e saj në një apartament në Buenos Aires. “Më shumë makarona, më shumë oriz”.
Mishi është duke bërë një paraqitje më të rrallë në tavolinat e darkave të familjeve të klasës së mesme, ndërsa kjo është një nga shenjat më të qarta se sa shumë ka rënë fuqia blerëse e argjentinasve, nga inflacioni që pritet të kapë shifrat 44% deri në fund të vitit, sipas Bankës Qendrore.
Argjentinasit e intervistuar thanë se nuk mund të përballojnë për të ngrënë aq mish viçi siç kanë përdorur deri tani dhe po e zëvendësojnë me ushqime më pak të shtrenjta. Kasapët thanë se kishin parë rënie të theksuar në shitjet e mishit të viçit gjatë muajve të fundit.
“Njerëzit janë mishngrënës. Argjentinasit gjithmonë, për tërë jetën e tyre, kanë ngrënë mish”, tha Javier Madeo, 45 vjeç, i cili zotëron një dyqan mishi në Buenos Aires.
Ndërsa argjentinasit kanë ulur ngadalë konsumin e tyre të mishit gjatë 60 viteve të fundit, ata kanë mbetur në mesin e njerëzve më mishngrënës në botë. Por në shtator, një statistikë e vogël e publikuar nga dhoma e industrisë së mishit të gjirit, Ciccra, zbuloi një realitet të ri: Konsumi i mishit ra në një mesatare vjetore prej 49 kg për person në atë muaj.
Top Channel
