Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Danimarka tha të martën se dyshonte se Shërbimi i Inteligjencës Qeveritare iraniane ishte përpjekur të përgatiste një komplot për të vrarë një figurë të opozitës iraniane arabe, në tokën daneze.
Komploti i dyshuar, për të cilin ministrja e jashtme e Danimarkës tha se besonte se ishte organizuar nga qeveria iraniane, nxiti vendin nordik të bënte thirrje për sanksione të reja të Bashkimit Evropian kundër Republikës Islamike.
Një shtetas norvegjez me prejardhje iraniane u arrestua në Suedi më 21 tetor në lidhje me komplotin dhe u ekstradua në Danimarkën fqinje, tha policia e sigurisë suedeze. Norvegjia i ka mohuar akuzat dhe qeveria iraniane ka mohuar gjithashtu çdo lidhje me komplotin e dyshuar.
Sulmi kishte për qëllim të vrasë udhëheqësin e degës daneze të Lëvizjes së Luftës Arabe për Çlirimin e Ahvaz (ASMLA), tha shefi i inteligjencës danez Finn Borch Andersen.
ASMLA kërkon një shtet të veçantë për arabët etnikë në provincën jugperëndimore të Khuzestanit, që prodhon naftë në Iran. Arabët janë një pakicë në Iran dhe disa e shohin veten si nën pushtimin persian dhe duan pavarësi ose autonomi.
Top Channel
