Kur dhe si do të numërohen votat në zgjedhjet amerikane? Çfarë mund të ngadalësojë procesin 05/11 21:53
“Në qeverinë gjermane po zhvillohen diskutime intensive rreth mënyrës se si të trajtojnë eksportet e armëve në Arabinë Saudite që tashmë janë miratuar, por ende nuk janë dorëzuar”, tha të mërkurën zëdhënësi i qeverisë Steffen Seibert.
Kancelarja Angela Merkel u zotua të hënën të ndalë të gjitha eksportet e armëve gjermane në Arabinë Saudite derisa vrasja e gazetarit Jamal Khashoggi të zbardhet dhe Rijadi të marrë përgjegjësitë duke dënuar shkaktarët.
I pyetur nëse kjo përfshinte eksportet e armëve të cilat tashmë ishin miratuar, por nuk janë dorëzuar ende, Seibert u tha gazetarëve: “Sa i përket çështjes se si do të procedohet me lejet e dhëna tashmë, apo mallrat që ende nuk janë dorëzuar, ka diskutime intensive në qeveri, dhe ne do të duhet ta shqyrtojmë me shumë kujdes”.
Një zëdhënës i ministrisë së ekonomisë tha se zyrtarët gjermanë ishin në kontakt të ngushtë me vendet e tjera evropiane për këtë çështje, por nuk pranuan të japin detaje rreth progresit në shtytjen e Berlinit për të siguruar një përgjigje të bashkuar evropiane.
Gjermania ka qenë më e hapur se vendet e tjera për ndalimin e shitjes së armëve në Arabinë Saudite pas vdekjes së Khashoggit në konsullatën saudite në Stamboll më 2 tetor. Presidenti francez Emmanuel Macron të martën nuk pranoi t’u përgjigjej pyetjeve rreth ndalimit të shitjes së armëve. Nga 2008-17, Arabia Saudite ishte blerësi i dytë më i madh i armëve franceze, me marrëveshje që arrinin më shumë se 11 miliardë euro.
Qeveria e koalicionit të qendrës së majtë të Merkelit ka ngadalësuar miratimet për të gjitha eksportet e armëve që nga marrja e detyrës në mars, njoftoi një burim i industrisë, duke reflektuar skepticizëm të gjerë mes një publiku, pikëpamjet e të cilit ende janë të ngjyrosura nga e kaluara naziste e Gjermanisë.
Një sondazh i publikuar të mërkurën nga gazeta Die Welt tregoi se 65 përqind e gjermanëve besonin se Gjermania duhet të ndalonte të bënte biznes me Arabinë Saudite. Ministria e ekonomisë tha se qeveria miratoi eksportet e armëve me vlerë 2.57 miliardë në gjysmën e parë të vitit, rreth 1 miliard euro më pak se në të njëjtën periudhë të vitit 2017, por tha se një rend i vetëm i madh mund të shkaktonte ndryshime të gjera.
Shitjet në Bashkimin Evropian, NATO dhe aleatë të tjerë të afërt llogariten për 1 miliard euro të eksporteve të armëve të miratuara në gjysmën e parë, ndërsa shitjet në vende të tjera si Algjeria dhe Arabia Saudite arritën 1.54 miliardë euro, tha ministria.
Top Channel
