Kryeqyteti skocez mbulohet nga dëbora teksa moti i ftohtë përfshin Britaninë dhe Irlandën (fotogaleri)
23/11 18:50
Kryeministri armen Nikol Pashinyan njoftoi dje dorëheqjen nga posti i tij, në mënyrë që parlamenti të shpërbëhej dhe të zhvilloheshin zgjedhje të parakohshme.
Ish-udhëheqësi i opozitës erdhi në pushtet me një votim parlamentar në maj, pas disa javësh protesta masive kundër korrupsionit dhe kronizmit, por nuk ka pasur zgjedhje parlamentare që nga revolucioni pranverën e kaluar. Kryeministri Pashinyan ka thënë se përbërja e parlamentit nuk pasqyron realitetin e ri politik të vendit.
“Qëllimi i dorëheqjes sime nuk është të shmang përgjegjësinë që kam marrë para jush, por përkundrazi, ta marr revolucionin kadife në fund përmes zgjedhjeve të parakohshme dhe të kthej plotësisht pushtetin tek njerëzit”, tha ai të martën.
Zgjedhjet e parakohshme parlamentare mund të thirren në ish republikën sovjetike prej tre milionë banorësh, nëse parlamenti dështon dy herë për të zgjedhur një kryeministër të ri dhe legjislatura është shpërbërë.
Mbështetja publike për partitë që nuk janë të lidhur me Pashinyan është shumë e ulët, jo vetëm për ish partinë republikane në pushtet.
Pashinyan, vlerësimi i popullaritetit të të cilit është i lartë, tha se ai do të mbetet kryeministër në detyrë, derisa një i ri të zgjidhet nga një parlament i ri.
Top Channel
