Izraeli sulmon qendrën e Bejrutit, godet një ndërtesë të banuar, 11 të vrarë dhe 60 të plagosur 23/11 13:52
Donald Tusk duket se ka “ngrirë” shpresat për një zgjidhje mbi “Brexit”-in në samitin e BE-së, të mërkurën, duke thënë se kufiri irlandez mbetet një pikë delikate.
Presidenti i Këshillit Europian tha se nuk ka vend për optimizëm se çështja mund të zgjidhet në samit. Ai i kërkoi Theresa Mayt të dalë me propozime konkrete për të kapërcyer “rrugën pa krye” të krijuar.
“Ashtu siç e shikoj unë, shpresa për një marrëveshje për momentin është e paktë dhe nevojitet shumë vullnet i mirë dhe vendosmëri nga të dyja anët”, tha Tusk.
Sidoqoftë – tha ai, – nevojiten propozime konkrete nga ana e kryeministres May, sesi mund të kapërcehet kjo pengesë.
Ndërkohë, vet May tha se një marrëveshje ishte e arritshme, nëse qeveria do të qëndronte e fortë dhe e bashkuar.
Të dyja palët në bisedimet për “Brexit”-in shpresojnë që një marrëveshje për daljen e Britanisë nga BE-ja, përfshirë çështjen e kufirit irlandez, do të arrihet deri në mes të nëntorit, në kohë që ajo të ratifikohet nga vendet anëtare të bllokut dhe nga Britania e Madhe.
Sidoqoftë, shpresat për samitin e së mërkurës janë të pakta.
Top Channel
