Selena Gomez ka kryer gjashtë muaj kurs të gjuhës spanjolle? Arsyeja do t’ju mahnisë 23/11 22:09
Një grua suedeze pretendon se ka pasur një fëmijë sekret me George Michael; Ulrika Lillemor Alfa Wonwolf këmbëngul se takimi mes tyre ka ndodhur në vitin 1997, kur ishte me pushime në Britaninë e Madhe.
Pretendimet e saj shkojnë deri aty sa të pohojë se ylli i popit ishte në dijeni të ekzistencës së djalit dhe e kishte vizituar në Suedi disa herë e madje kishte kontribuar dhe financiarisht për rritjen e tij.
Përfaqësues të këngëtarit i kanë vënë në dyshim të tilla pretendime, duke i cilësuar “fantazi të pastër”.
Suedezja është përpjekur edhe t’i shesë gazetave të ndryshme disa analiza AND-je që rezultonin pozitive, por ekspertët thonë se ato mund të falsifikohen më shumë lehtësi.
Sipas fjalëve të Wonwolf , testin e parë të atësisë e ka kryer në prag të vitit 2000, me artistin aty prezent, ama gruaja nuk ka mundur t ofrojë asnjë provë në mbështetje të këtij pohimi.
Në kohën kur thuhet të ketë ndodhur takimi i tij me Ulriken, këngëtari ka qenë në një marrëdhënie me biznesmenin Kenny Goss. Wonwolf kishte krijuar, siç mësohet, edhe disa profile në rrjetet sociale me inicialet GKP, që i përkasin emrit të vërtetë të yllit të muzikës, Georgios Kyriacos Panayiotou, por tani i ka fshirë.
Top Channel
