“Në Kuadër të Dashurisë” vjen këtë të diel në Cineplexx me një çmim promocional biletash… 30/10 11:59
Regjisori gjerman Christian Petzold e sposton historinë e romanit “Tranzit” të Anna Seghers, të vendosur në vitin 1942, në ditët tona me një kombinim sugjestiv mes të djeshmes dhe të sotmes.
Trupat gjermane gjenden në portat e Parisit. George, një refugjat gjerman arratiset nga Marseja në kohë. Bagazhi i tij përmban dokumentet e një shkrimtari me emër Weidel, i cili vetëvritet prej frikës së persekucioneve.
Këto dokumente përfshijnë një dorëshkrim, disa letra dhe sigurimin e Ambasadës meksikane për një vizë. Në Marsejë mund të qëndrojnë vetëm ata, që mund të demostrojnë se mund të rinisen.
George ka marrë identitetin e Weidel, i ka memorizuar të gjitha informacionet e dokumenteve dhe shpreson kështu të marrë një ndër të paktat lejekalimi të disponueshme në anije, derisa takon Marian.
Petzold i jep filmit të tij një rrjedhshmëri në kohë, që pjesa më e madhe e dramave historike janë të kufizuara për ta bërë.
Megjithëse ngjarja zhvillohet përgjatë Luftës së Dytë Botërore, “Gruaja e Shkrimtarit” gjurmon paralelizma të qartë dhe të fuqishëm me krizat aktuale të refugjatëve në Europë, ashtu si dhe rritjen e frikshme të neonazizmit!
Një zonë tranziti është me përkufizim një zonë kalimi. Si “check-in” në një aeroport, dorëzon bagazhin tënd, por nuk ke ikur ende asgjëkundi.
Top Channel
